ថ្ងៃទី០៨ខែមករាឆ្នាំ២០២៦
(ខេត្តស្វាយរៀង)
លោក សុខ ម៉ក់ មេប៉ុស្តិ៍នគរបាលអន្តោប្រវេសន៍ច្រកព្រំដែនទ្វេភាគីសំរោង ក្នុងស្រុកចន្ទ្រា ខេត្តស្វាយរៀង ប្រមូលលុយស្រួលៗពីកាស៊ីណូ
ប្រជាពលរដ្ឋរស់នៅក្នុងស្រុកចន្ទ្រា ខេត្តស្វាយរៀង ប្រជាពលរដ្ឋបានឲ្យ
ដឹងថា លោកសុខ ម៉ក់ គឺជាបុគ្គលដែលហ៊ានបើកល្បែងជល់មាន់ និងល្បែងផ្សេៗទៀតនៅក្នុងកាស៊ីណូប្រហែល មានខ្នងបង្អែករឹងមាំ នៅពីក្រោយនិងមានឥទ្ធិពលទៀតផង ទើបហ៊ានធ្វើអ្វីៗតាមអំពើចិត្តហើយ អាជ្ញាធរនិងសមត្ថកិច្ចពាក់ព័ន្ធនៅច្រកទ្វេរភាគីព្រំដែនសំរោង ក្នុងស្រុកចន្ទ្រា មិនហ៊ានក្អកជាមួយលោកសុខ ម៉ក់ នោះទេ។មិនហ៊ានក្អកព្រោះតែលោក សុខ ម៉ក់ មានខ្នងបង្អែកធំនៅឯស្នងការដ្ឋាននគរបាលខេត្តស្វាយរៀងនោះឯង។ លោកសុខ ម៉ក់ គឺជានាយប៉ុស្តិ៍នគរបាលអន្តោប្រវេសន៍ប្រចាំនៅច្រកទ្វារទ្វេភាគីព្រំដែនសំរោង ស្រុកចន្ទ្រា។
ប្រជាពលរដ្ឋក្នុងស្រុកចន្ទ្រាបង្ហើបថា លោក សុខ ម៉ក់ នាយប៉ុស្តិ៍នគរបាលច្រកទ្វារទ្វេភាគីព្រំដែនសំរោង និងមន្ត្រីថ្នាក់ក្រោម ក្នុងមូលដ្ឋានសម្ងំទទួលផលប្រយោជន៍ ខ្លះៗ ពីម្ចាស់ទីតាំងកាស៊ីណូ ទើបមានបើកល្បែងដូចជា ជល់មាន់ បៀរ និងហ្គេមបាញ់ត្រី ទុកឲ្យអ្នកញៀនល្បែងមានខ្មែរ និងវៀតណាម ចូលមកលេងភ្លូកទឹកទឹកភ្លូកដី គ្មានការទប់ស្កាត់ និងបង្ក្រាបឡើយ។ ប្រភពបានឱ្យដឹងថា បណ្ដាជនជាតិវៀតណាម ដែលចូលមកលេងល្បែង ស៊ីសងនៅក្នុង casino លើទឹកដីខ្មែរ សុទ្ធតែត្រូវបង់ ប្រាក់ឲ្យមន្ត្រីនគរបាលអន្តោប្រវេសន៍នៅច្រកព្រំដែន។ គ្រាន់តែរឿងជនជាតិវៀតណាម ចូលលេងល្បែងក្នុងដីខ្មែរគឺលោកសុខ ម៉ក់ អាចរកបានប្រាក់រាប់លានរៀលក្នុងមួយថ្ងៃៗ។
ប្រជាពលរដ្ឋរស់នៅក្បែរ ប៉ុស្តិ៍នគរបាលច្រកទ្វារទ្វេភាគីព្រំដែសំរោង រងការរិះគន់ចំៗថា បើគ្មានការឃុបឃិតគ្នាជាប្រព័ន្ធ ហើយមានខ្នងបង្អែក រឹងមាំនោះទេ ម្ចាស់ទី តាំងកាស៊ីណូ មិនអាចសាងភាពល្បីល្បាញខាងបើក ល្បែងស៊ីសងជល់មាន់ បៀរ និងហ្គេមបាញ់ត្រី នៅក្នុងទឹកដី ស្រុកចន្រ្ទា ខេត្តស្វាយរៀង បានឡើយ។ ប្រភពពីប្រជាពលរដ្ឋរស់នៅ ស្រុកចន្ទ្រា ខេត្តស្វាយរៀង បានឲ្យ ដឹងថា ល្បែងសុីសងជល់មាន់ បៀរហ្គេមបាញ់ត្រីនៅក្នុង កាស៊ីណូកំពុងបើកឲ្យជនអន្តោប្រវេសន៍ ចូលមកលេងអនាធិបតេយ្យ ខ្លះស្របច្បាប់ ខ្លះអត់ស្របច្បាប់។
ហេតុដូច្នេះមន្ត្រីអាជ្ញាធរថ្នាក់ឃុំ និងសមត្ថកិច្ចនៅស្រុកចន្ទ្រា គួរត្រួតពិនិត្យឡេីងវិញចំពោះជនអន្តោ ប្រវេសន៍ ខ្លះចូលមកលលេងល្បែងមានច្បាប់ ខ្លះអត់ច្បាប់ និងសមត្ថកិច្ចពាក់ព័ន្ធ ចច្រច្រកទ្វារទ្វេភាគីព្រំដែនសំរោង បានរក្សាភាពស្ងៀមស្ងាត់ ធ្វើឲ្យប្រជាពលរដ្ឋក្នុងស្រុកចន្ទ្រាមានការព្រួយបារម្ភចំពោះបញ្ហាសន្តិសុខ សង្គម ក្នុងមូលមូលដ្ឋាន ដូចជា លួច ឆក់ ប្លន់ និងរីករាលដាលគ្រឿងញៀនគួរឲ្យកត់សម្គាល់ថែមទៀតផង។ ពលរដ្ឋក្នុងស្រុកចន្ទ្រាខេត្តស្វាយរៀង អំពាវនាវដល់នាយឧត្តមសេនីយ៍ ស ថេត អគ្គស្នងការនគរបាលជាតិ និងឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងលោក ប៉េង ពោធិ៍សាអភិបាល ខេត្តស្វាយរៀង គួរចាត់មន្ត្រីក្រោមឱវាទ ចុះទប់ស្កាត់ទង្វើមិនប្រក្រតី របស់បុគ្គលដែលហ៊ាន បើកល្បែងស៊ីសងជ
ល់មាន់ បៀរ និងហ្គេមបាញ់ត្រី ខុសច្បាប់ នៅក្នុងកាស៊ីណូជាច្រើនកន្លែង នៅអមសងខាង ប៉ុស្តិ៍នគរបាលច្រកទ្វារទ្វេភាគីព្រំដែនសំរោងក្នុងស្រុកចន្ទ្រា គ្រប់គ្រងដោយ លោកសុខ ម៉ក់ ជាបន្ទាន់ ដើម្បីបង្រឹងសន្តិសុខសង្គម៕